Monday, April 25, 2016

కాలుష్యం

కాలుష్య నివారణకు మనము ఏమి చేస్తున్నామని ,ఎవరికివారే ప్రశ్నించుకొండి ? శబ్ద కాలుష్యం,గాలి,నీరు,ఇలా అన్నిటిని కలుషతమ్ చేస్తున్నాము. మనకు తెలియక చేసేవి ఏమి కావు . తెలిసే చేస్తున్నాము. కొంత మన ఉదాసీన వైఖరి. మనం ఇబ్రహింపట్నం రింగ్ సెంటర్ నుండి కొండపల్లి వెళ్ళే దారిలో ఫిల్టర్ హౌస్,మరియు కొత్తగేటు పరిసరాలలో ,సెప్టిక్ ట్యాంకుల నుండి తీసిని వ్యర్హ్దాలను , రోడ్ ప్రక్కనే పోస్తున్నారు. గ్రామ పంచాయితి లు ఈ విషయం పట్టనట్టే ఉంటాయి. ఇవి భూ గర్బ జలాల్లోకి ప్రవేశిస్తే ఎంతః ప్రమాదం. అలాగే, చికెన్ సెంటర్ లనుండి వచ్చే వ్యర్ధాలు కూడా ఇలాగే పడేస్తున్నారు.
ఈ రకంగా   గాలి, నీరు కలుషితం అవుతున్నాయి .. దేవాలయములు,మసీదులు, క్రై స్తవ మహాసభ ల నుండి వచ్చే  శబ్ద కాలుష్యం అంతా,ఇంతా కాదు. మనం దేవుడ్ని ప్రార్దిన్తున్న విషయం, లౌడ్ స్పీకర్ లో అరచి మరి చెప్పవలిసిన పని ఏముంది.
దయ చేసి ఆలోచించండి|

Sunday, April 24, 2016

ఆసయస్పూర్తి ఫౌండేషన్ వారి నిర్వహణ లో పాలిటెక్నిక్ ఎంట్రన్స్ నమూనా పరీక్ష -2016 నిర్వహణ

ఆసయస్పూర్తి ఫౌండేషన్ వారి నిర్వహణ లో ఈ రోజు అనగా ది.24.04.2016(ఆదివారము) ఉదయం 8.30 నుండి12.00గంటల వరకు పాలిటెక్నిక్ ఎంట్రన్స్ నమూనా పరీక్ష -2016 జరిగింది. మండల స్తాయిలో జరిగిన ఈ కార్యక్రమములో దాదాపు 60మంది విద్యార్థిని,విద్యార్ధులు పాల్గొన బోతున్నారు. పాలిటెక్నిక్ ఎంట్రన్స్ పరీక్ష -2016, ఈ నెల 27.04.2016,జరగబోతున్నది. ఈ   పరీక్ష కు కేవలం మూడు రోజులు ముందుగానే ఈ పరీక్ష నిర్వహించటం వల్ల విద్యార్ధులకు తమ ఏ స్తాయి లో వున్నారో తెలుసుకొని ,మరింతఃగా బాగా పరీక్షకు ప్రిపేర్ అవటానికి ఈ  నమునా పరీక్ష,ఉపయోగపదినదని విద్యార్థిని,విద్యార్ధులు తెలిపారు . 
 ఈ కార్యక్రమానికి Sub-Inspectior of Police, Advocate, Amurtha Sai college of Engineering H.O.D(E.E.E) అంకమ రావుగారులు అతిధిలుగా వచ్చి  విద్యార్థిని,విద్యార్ధులు స్ఫూర్తి దాయకమైన ప్రసంగములు ఇచ్చారు.

 ఈ కార్యక్రమాన్ని జయప్రదం చేయటం లో రహమత్ గారు ,అక్బర్,నిజాం, లు ఎంతో కష్టపడ్డారు. శాదిఖానా యాజమాన్యం కూడా ఎటువంటి రుసుము అడగకుండా సహకరించారు. సాయి,వెంకి,చంద్రశేఖర్,వినీల,నిర్మల తదితరలు వారి సేవలు అందించారు. RAO PUBLICATION ,విజయవాడ వారు,పేపర్స్ సెట్ చేయటం లో తమ సేవలు అందించారు.

పరీక్ష రాస్తున్న విద్యార్దులు

sakhi

Friday, April 22, 2016

పాలిటెక్నిక్ ఎంట్రన్స్ నమూనా పరీక్ష -2016

ఆసయస్పూర్తి ఫౌండేషన్ వారి నిర్వహణ లో రేపు అనగా ది.24.04.2016(ఆదివారము) ఉదయం 8.30 నుండి12.00గంటల వరకు పాలిటెక్నిక్ ఎంట్రన్స్ నమూనా పరీక్ష -2016 జరుగును. మండల స్తాయిలో జరుగు ఈ కార్యక్రమములో దాదాపు 70మంది విద్యార్థిని,విద్యార్ధులు పాల్గొన బోతున్నారు. పాలిటెక్నిక్ ఎంట్రన్స్ పరీక్ష -2016, ఈ నెల 27.04.2016,జరగబోతున్నది. ఈ   పరీక్ష కు కేవలం మూడు రోజులు ముందుగానే ఈ పరీక్ష నిర్వహించటం వల్ల విద్యార్ధులకు తమ ఏ స్తాయి లో వున్నారో తెలుసుకొని ,మరింతఃగా బాగా పరీక్షకు ప్రిపేర్ అవటానికి ఈ  నమునా పరీక్ష,ఉపయోగపడుతుందని ,కాబట్టి విద్యార్థిని,విద్యార్ధులు ఈ అవకాసమును వినియోగించు కోవల్సిందిగా నిర్వాహకులు కోరుతున్నారు.
స్తలము : షాదిఖానా ,కొండపల్లి
సమయము : ఉ : 8.30 నుండి12.00 వరకు
తేది : 24.04.2016,ఆదివారము
రిజల్ట్లు తెలుపునది : అదే రోజు 12.30 pm.
First Cash prize : Rs.3000/,Second Cash prize :Rs.2000/ మరియు మూడు మరియు నలుగు స్టానాల వార్కి కూడా బహుమతులు కలవు. ఎంట్రీ ఫి : రూ :100/ మాత్రమే .

Wednesday, April 20, 2016

బెంగుళూరు ` మైసూరు పర్యటన ` నా అనుభవాలు (చివరి భాగము)

బెంగుళూరు ` మైసూరు పర్యటన ` నా అనుభవాలు (చివరి భాగము)

 తర్వాత రోజు(15.04.2016) శుక్రవారము,శ్రీరామనవమి కూడా అయినది. ఉదయం 6.30ని॥కు ఇన్నోవా(ఎ.సి) కారులో మైసూరు పర్యటనకు బయుదేరాము. ముందుగా శ్రీరంగపట్నం లోని రంగనాథస్వామి ని,అమ్మవారిని దర్శించుకున్నాము. స్వామి విగ్రహం చూస్తే మనకు ఒక రకమైనా  తన్మయత్వం గా ఉంటుంది.
  ఆ తదనతరం` మైసూర్‌ చేరాము. టిప్పుసుల్తాన్‌ సమాధి,టిప్పుసూల్తాన్‌` ఆంగ్లేయులను బంధించిన కారాగారము (వాటర్‌జైలు) చూసాము. వాటర్‌ జైలు గురించి కొంత వివరిస్తాను. అక్కడి సెక్యురిటీ గార్డు హిందీ లో చెప్పిన వివరము బట్టి` టిప్పుసుల్తాన్‌ కేవలము ఆంగ్లేయ అధికారులను మాత్రమే చంపేవాడు. సాధారణ సైనికులను మాత్రమే ఈ వాటర్‌ జైలు లో శిక్షించేవాడు. వారిని దీర్ఘ  చతురు సాకారము చీకటి గదిలో , చేతులు కట్టివేసి,మెడవరకు నీటిలో వారిని ఉంచేవాడు, ప్రతి 24గం॥ కు ఒకసారి ఆ నీరు ను తీసివేసి,వారికి ఆహారము అందజేసి,తిరిగి నీటిలో బంధించేవాడు. పక్రన్న ఉన్న కావేరినది నుండి నీటిని గురుత్వాకర్షణ పద్ధతి ద్వారా నీరుని వాటర్‌ జైలుకు తీసికువచ్చేవారు. కాని, ఇప్పుడు చూస్తే కావేరి నది , అక్కడ ఒక చిన్న పాయలా మాత్రమే ఉంది.
        అక్కడనుండి` మైసూరు ప్యాలస్‌ కు వెళ్ళాము. ప్రవేశరుసుము చెల్లించిన తర్వాత, లోపలికి ప్రవేశించాము. సాలార్‌జంగ్‌ మ్యూజియం లాగానే ఇదికూడా ఉంది. అనాటి మైసూరు రాజులువాడిన దుస్తులు,వారికొచ్చిన బహుమానాలు, వారి కుటుంబీకుల చిత్రపటాలు, అప్పటి వారిసైన్యం విశేషాలు, వారి అంత: పురము,ఉత్సవాలు జరిగేటప్పుడు రాజుగారు, వారి కుటుంబీకులు,అతిధిలు,ఇతర ప్రజలు కూర్చొనే ప్రదేశము చూశాము. ఆరోజుల్లో ఉన్న చెక్కను అందంగా చెక్కిన తీరు, ఫాల్స్‌ సీలింగ్‌ గా అమర్చిన విధానం చూసితీరవలసినదే ! ఇక్కడ మనము కొంత డబ్బు చెల్లిస్తే, ఆడియో సిస్టం ద్వారా మనకు హెడ్‌ ఫోన్‌ తో ప్రతి వస్తువు దగ్గర వారు ఏర్పాటుచేసిన నెంబరు తెలిపితే , ఆ వస్తువు వివిరాలు చెబుతారట. అన్ని ప్రభుత్వసెలవుదినాలో, ఇక్కడి ప్యాలస్‌ కు ఉన్న 1008లైట్లను సాయంత్రం 7గం॥ నుండి 7.30గం॥వరకు వెలిగిస్తారుట. అప్పుడు ,ప్యాలస్‌ చూస్తే ఇంకాబాగుంటుందిట. ప్యాలస్‌ చూట్టూ పురాతన దేవాలయము,రాజవంశీకులు మాత్రమే వచ్చే  గేట్లు, పనివారు వచ్చేగేట్లు ఇలా రకరకాల ద్వారాలు ఉన్నాయి.
                        ఇక ఇక్కడి  నుండి బృందావన్‌ గార్డ్‌న్‌ కు చేరాము.
    బృందావన్‌ గార్డ్‌న్‌ నుండి కేరళ రాష్ట్రం కేవలం 70కి॥మి. దూరమట. ఆరోజు ,మాకు ఎక్కువగా మళయాళీయులు కనిపించారు. ఈ గార్డెన్‌ అంత గొప్పగా ఏమీలేదు. పాత సినిమాలో ఇక్కడి పూల అందాలు చూపించటంతో మనకు కొత్తగా అనిపించదు. వాటర్‌ఫౌంటెన్‌,విద్యుత్‌ దీపాలమవెలుగులో కొత్త అందం వచ్చినట్లుగా ఉంటుంది. సాయత్రం 7.30గం॥ నుండి 8.00గం॥ మ్యూజికల్‌ ఫౌంటెన్‌ ఉంటుందిట. సమయం లేక పోవటంతో చూడలేకపోయాం.
                అక్కడినుండి బయుదేరి రాత్రి11గం॥కు బెంగుళూరులోని మేము బసచేసిన హోటల్‌ కు చేరాము.
                                        IIIIIIIIIIIIIIIIII
        తర్వాత రోజు ది.16.04.2016(శనివారము),మా బంధువు ఇంట్లో బసచేసి,మధ్యాహ్ననం 4గం॥కు యెలహంక రైల్వేస్టేషన్‌ నుండి కాచీగూడ ఎక్స్‌ప్రెస్‌ లో ది.17.04.2016 ఉదయం5.30గం॥హై దరాబాద్‌ చేరాము.
                   తిరుగు ప్రయాణంలో, ఒక సంఘటన: మా బృందంలో 11సం॥ మా తమ్ముడి కూతురుకి వేడికి, లేదా ప్రయాణ అలసట వ్డుల్ల కడుపులో ఇబ్బందిగాను ఉండి,శ్వాస తీసుకోవటం ఇబ్బందిగా మారింది.  ఈ బాధ రాత్రి 7.30గం॥  మొదలు అయితే,మేము ఎక్ట్రోల్‌ పౌడరు,మా దగ్గర మాత్రలు వేసినా ఫలితం లేక పోయింది. దాంతో, రైల్వే వారి ఎమర్జెన్సీనెంబర్138 కు డయల్‌ చేస్తే ,మీ ట్రయిన్‌ టి.సి కి చెప్పమన్నారు. ఆయన సెల్‌ నెంబరు చెప్పమంటే మాకు తెలియదని సమాధానం చెప్పారు. మొత్తానికి ఎలాగో,ఆ టి.సి పట్టుకుని విషయం చెబితే, ఆయన వెంటనే,సంబంధిత అధికారికి ఫోన్‌ చేసి,తర్వాత స్టేషన్‌ అయిన డోన్‌ లో మీకు వైద్యసహాయం అందుతుందని తెలిపారు. డోన్‌ వస్తే, అక్కడ డాక్టర్‌ లేడు.అప్పటికి రాత్రి11.30గం॥ ,అడిగితే ఎవ్వరూ అందుబాటులో లేరని, మరి ఎక్కువగా ఉంటే తర్వాత స్టేషన్‌ అయిన కర్నూలులో దిగిపోండని,అక్కడి ఆర్‌.పి.ఎఫ్‌ కానిస్టేబుల్‌ ఉచిత సలహ. టి.సిని  అడిగితే, తన సంబంధిత అధికారి పలుమార్లు పి.ఎన్‌.ఆర్‌. నెంబరు అడగటమేగాని,అంతకు మించి స్పందన కన్పించటంలేదని వాపోయాడు. ఎట్టకేలకు,ఒక లేడీ డాక్టర్‌ వచ్చి ,ఏవో మందులిచ్చి, రూ॥100/ చార్జ్‌ చేసివెళ్లింది. ఈ ఇబ్బందిలో మాకు పూర్తిగా అండగా ఉంది,టి.సి విక్రమన్‌
ఎంతో ఓపిగా ఈ రచన చదివిన మీ అందరాకు నా ధన్యవాదాలు. మీ విలువైన కామెంట్స్ పెట్టగలరు.




















Monday, April 18, 2016

బెంగుళూరు - మైసూరు పర్యటన - నా అనుభవాలు

                బెంగుళూరు -  మైసూరు పర్యటన - నా అనుభవాలు


ది.13.04.2016 , బుధవారము, రాత్రి 9గం॥ కు ,ట్రయిన్‌ నెం 17603  కాచీగూడ` యశ్వంత్‌ పూర్‌ ఎక్స్‌ప్రెస్‌ లో,మా కుటుంబము మరియు మా తమ్ముడి కుటుంబము (మొత్తం 8 మంది),కలిసి బెంగుళూరు - మైసూరు పర్యటనకు బయలుదేరాము.
     బెంగుళూరు లో యశ్వంతపూర్‌ స్టేషన్‌ దగ్గర దిగేసరికి ది.14.04.2016,గురువారము ఉదయం 10.30గం॥ అయినది. మండుటెండలో, నాన్‌` ఎ.సి కారులో బెంగుళూరు లోని మోడ్రన్‌ హోటల్‌ లో ,రెండు నాన్‌` ఎ.సి రూములో బస చేశాము. ప్రయాణబడలికతో మాకు దొరికిన ఆ హోటల్‌ లో ఎ.సి రూము లేవన్నా దిగిపోయాము.
     స్నానపానాదులు,భోజనాలు తర్వాత మధ్నాహ్నం 3గం॥ కు బయలు దేరి కారులో విధానసభ(రోడ్డుపైనుండి చూడటమే),తర్వాత లాల్‌బాగ్‌ (బొటానికల్‌ గార్డెన్‌) కు వెళ్ళాము. హైదరాబాద్‌ లోని ఇందిరాపార్క్‌ లో కనిపించే కొన్ని రకాల దృశ్యాలే ఇక్కడా కనిపిస్తాయి ! వెరసి, నా అనుభూతి ప్రకారం అయితే,  హైదరాబాద్‌ లోని పబ్లిక్‌గార్డెన్‌ కంటే గొప్పగా ఏమీలేదు.
      తర్వాత, ఇక్కడి నుండి ఇస్కాన్‌ టెంపుల్‌ కు వెళ్ళాము. చాలా పెద్ద శ్రీకృష్ణ దేవాలయము. విదేశాలనుండి భక్తు లుపంపే విరాళాలతో నడుస్తున్నదని వినికిడి.ఇక్కడి ప్రతి ఒక్కటి పద్దతిగా ఏర్పాటు చేశారు, పాదరక్షలు భద్రపరిచే ప్రదేశములో ఏర్పాట్లు(ఇక్కడి డబ్బు చెల్లించాలి),వాహనప్రవేశము,చల్లని  మంచినీరు అందించే ఏర్పాటు,పూజావస్తువులు,భక్తిపుస్తకాలు,సి.డిలు , ఉచిత ప్రసాద వితరణ,సాయత్రం వేళ ‘హరేరామ,హరే కృష్ణ’ నామ సంకీర్తన అన్నీ బాగున్నాయి.
     ఇహ ఇక్కడనుండి,‘ ఒరియానొ(ORION) ’ అనే అతిపెద్ద షాపింగ్‌ మాల్‌ కు వెళ్ళాం. ఇక్కడి దుకాణాలు, వాటి ధరలు అవే కొనేవారిని చూస్తే నాకైతే ఇండియాలోనే ఉన్నామా, అనిపించింది. ఇక్కడ చీర కట్లుకున్న ఆడవారిని వేళ్ళమీద లెక్కపెట్టవచ్చు. పెద్ద,చిన్న అని లేదు ` అందరు చుడీదార్లు,స్లీవ్‌లెస్‌ బ్లౌజ్‌లు,షార్టులు .......... ఈ మాల్‌ లోనే బార్‌ కూడా ఉంది. అదేదో ప్యామిలీ రెస్టారెంటు లాగా, ఆడ,మగ కలిసి తాగటం,నాకు మాత్రం వింతగానే ఉంది. ఆ ప్రక్కనే స్విమ్మింగ్‌ పూల్‌ ఉంది. చల్లగాలికి   అక్కడ కూర్చొందామని వెళ్ళాం. కానీ, అది కూడా ఆ గేట్‌డ్‌ కమ్యూనిటీ లో ఉన్నఅపార్టుమెంట్‌ వారికి మాత్రమే అని అక్కడి సెక్యురిటీ సిబ్బంది , మమ్మల్ని వెళ్ళనివ్వలేదు. అక్కడినుండి, మేము బసచేసిన హోటల్‌ కు తిరిగి  చేరాము. ఈ బెంగుళూరు నగర పర్యటన లోమాకు  ఎంతో సహకరించిన నా మేనకోడలు శ్వేత,ఆమె భర్త కృష్ణ కు ధన్యవాదములు
                                       (రేపు  మైసూర్‌ పర్యటన విశేషాలు)










Friday, April 8, 2016

ఆశయస్పూర్తి ఫౌండేషన్ ఆధ్వర్యము లో చల్లని మజ్జిగ పంపిణి

ది. 08.04.2016(శుక్రవారము) ఉదయం 11గంటలకు, ఇబ్రహింపట్నం రింగ్ సెంటర్ లో దుర్ముఖి నామ సంవత్సరం సందర్భముగా,ఉగాది పచ్చడి మరియు చల్లని మజ్జిగ ను ఆశయస్పూర్తి ఫౌండేషన్ ఆధ్వర్యము లో పంపిణి చేసారు. Sub-inspector of Police ,ఇబ్రహింపట్నం పోలీస్ స్టేషన్ ,శ్రీనివాస్ గారు ,వచ్చి ఈ కార్యక్రమము ను ప్రారంభించారు. మందు వేసవి లో చల్లని మజ్జిగ ను పంపిణి చేయటం ద్వారా  చాలా మంచి చేస్తున్నారని ఫౌండేషన్  కార్యకర్తలను అభినందిస్తు ,భవిషత్తులో మరిన్ని మంచి కార్యక్రమాలు చేయాలనీ కోరారు.
ఎంతో మంది వాహన చోదకులు, ప్రయాణికులు, ఈ సేవ ను సద్వినియోగం చేసుకొని , ఫౌండేషన్  కార్యకర్తలను అబినందించారు. మజ్జిగ అయిపోయినప్పుడు , చల్లని నీరు అందించటం జరిగింది. ఈ కార్యక్రమములో, రహమత్,సాయి,చంద్రశేఖర్,ఇస్తారు,చిన్నా,తదితరులు పాల్గొన్నారు.








Tuesday, April 5, 2016

మధుమేహం -(ఈనాడు)05.04.2016) నుండి సేకరణ

మధుమేహాన్ని మట్టికరిపించండి!
అపోహలను ఛేదించండి!
న ప్రాంతంలో ఇప్పుడు మధుమేహంపై శ్రద్ధ బాగానే పెరిగింది. మధుమేహులంతా కూడా దాని గురించి ఎక్కువగానే ఆలోచిస్తున్నారు. కానీచాలా సందర్భాల్లో వైద్యపరమైన సమాచారాన్ని నమ్మకుండా.. అపోహలు,అనుమానాల్లో కూరుకుపోతూ.. అయోమయంలో పడిపోతున్నారు. మధుమేహాన్ని జయించాలంటే ముందుగా అపోహలను వదిలించుకోవాలి. అనుమానాల నుంచి బయటపడాలి. అందుకే తమ అనుభవంలో ప్రత్యక్షంగా చూసిన కొన్ని కేసుల నేపథ్యంలో.. మన ప్రాంత ప్రజల్లో పేరుకుపోయిన అపోహలను, మన సమాజంలో విపరీతంగా ప్రచారంలో ఉన్న కొన్ని దురభిప్రాయాలను ఇక్కడ సవివరంగా చర్చిస్తున్నారు ప్రముఖ మధుమేహ వైద్య నిపుణులు డా॥ పి.వి.రావు


‘లైట్‌’గా, ‘మైల్డ్‌’గా.. అలాంటివేం ఉండవు!
చాలామంది తమకు మధుమేహం ఇప్పుడిప్పుడే ‘లైట్‌’గా వస్తోందనీ.. ‘బోర్డర్‌’లో ఉందనీ, ‘షుగరు మైల్డ్‌గా’ వచ్చిందనీ.. ‘వచ్చిందిగానీ నాకు ఎప్పుడూ కంట్రోల్‌లోనే ఉంటుందనీ’.. ఇలా రకరకాలుగా చెప్పుకుంటూ ఏళ్లకు ఏళ్లు నిర్లక్ష్యంతో తోసేసుకు తిరుగుతున్నారు. ఇది ఏమాత్రం సమర్థనీయం కాదు. ఇలా ఓ ఐదారేళ్ల పాటు తోసేసుకుని తిరిగి.. చివరికి మధుమేహం కారణంగా కళ్లు దెబ్బతిని, కాళ్లు దెబ్బతిని దయనీయ పరిస్థితుల్లో వైద్యుల దగ్గరకు వచ్చేవాళ్లు ఎంతో మంది ఉంటున్నారు. ఇటీవలే ఓ ప్రైవేటు కంపెనీలో పనిచేసే ఉద్యోగి ఒకరు ఇలాగే మాతో వాదించటం మొదలుపెట్టారు. ఏదో ఒక్కసారి రక్తంలో గ్లూకోజు ఎక్కువుందిగానీ, ఆ మర్నాటి నుంచీ తాను డైటింగ్‌, వాకింగ్‌ మొదలుపెట్టేసి దాన్ని తగ్గించేసుకున్నానని చెప్పేవాళ్లు. తనకు మధుమేహం లేదని నమ్ముతూ.. మధ్యమధ్యలో రక్త పరీక్షలు చేసి చూసుకోవటం కూడా మానేశారు. కానీ కొంతకాలం తర్వాత ఆయనకు జననాంగాల వద్ద ఫంగల్‌ ఇన్ఫెక్షన్‌ వచ్చి ఎంతకీ తగ్గకుండా వేధించటం మొదలుపెట్టింది. అది బాగా ఇబ్బంది పెడుతున్నప్పుడు వైద్యుల వద్దకు వెళితే వాళ్లు షుగర్‌ పరీక్ష చేయించారు. అప్పుడు రక్తంలో గ్లూకోజు చాలా ఎక్కువగా ఉందని, దానివల్ల ఇన్ఫెక్షన్లు బయల్దేరాయని తేలింది. కాబట్టి నాకు వచ్చింది ‘మైల్డ్‌ షుగర్‌’ అనీ, ‘లైట్‌ షుగర్‌’ అనీ నిర్లక్ష్యం చెయ్యొద్దు. అసలు అలాంటివేమీ ఉండవు. ఎవరైనా సరే, రక్తంలో గ్లూకోజు పరగడుపున 125 దాటినా, తిన్న తర్వాత 2 గంటలకు 200 దాటినా- తమకు మధుమేహం వచ్చినట్టేనని గుర్తించాలి. ఒక్కసారి అలా కనబడినా సరే, మందులు మొదలు పెట్టాల్సిందే. దాన్ని ఆహారంతో తగ్గించేస్తామనీ, వ్యాయామ నియమాలతో దారిలోకి తెచ్చేస్తామనీ.. తప్పించుకుని తిరగటానికి వీల్లేదు. ఒకప్పుడు మధుమేహాన్ని తొలిసారి గుర్తించిన తర్వాత మూడు నెలల పాటు ఆహార వ్యాయామ నియమాలు ప్రయత్నించండని (నాన్‌ ఫార్మకలాజికల్‌ థెరపీస్‌) చెప్పేవాళ్లు. కానీ ఇప్పుడా విధానం సమర్థంగా లేదని, దానివల్ల ఉపయోగం లేకపోగా ముప్పులు ఎక్కువ అవుతున్నాయని తేలింది. రక్తంలో గ్లూకోజు ఒక్కసారి ఎక్కువ కనబడినా సరే.. మందులు మొదలుపెట్టాల్సిందేననీ, దాన్ని అదుపులోకి తీసుకురావాల్సిందేనని ప్రపంచ ఆరోగ్య సంస్థ ఇప్పుడు విస్పష్టంగా నొక్కి చెబుతోంది.


తిండితో తగ్గించేస్తామని బయల్దేరొద్దు!
ధుమేహం వచ్చిందనగానే చాలామంది టీ, కాఫీల్లో పంచదార మానేస్తుంటారు. మధుమేహ నియంత్రణకు అదొక్కటే చాలనుకుంటుంటారు.అలాగే వరి అన్నం మానేసి చపాతీలకు మారిపోయి, ఇక గ్లూకోజు అదే తగ్గిపోతుందని నమ్ముతుంటారు. నిజానికి ఆహారం తగ్గించటం వంటి చర్యలు- ఇప్పటికే బరువు ఎక్కువగా ఉన్న మధుమేహులకు ఉపయోగపడతాయి. వాళ్లకు అది అవసరం. కానీ వాస్తవానికి ఇప్పుడు మధుమేహుల్లో నూటికి 70 మంది లావుగా ఉండటం లేదు. సన్నగానే ఉంటున్నారు. వీళ్లు ఆహారం తగ్గించెయ్యటం వల్ల షుగర్‌ తగ్గటం మాట అటుంచి పోషకాహార లోపం, దానివల్ల ఇతరత్రా సమస్యలు ముంచుకొచ్చే ముప్పు ఉంటుంది. తిండి తగ్గించెయ్యటం వల్ల రోగనిరోధక శక్తి కూడా క్షీణిస్తుంది. కాబట్టి ఆహారం తగ్గించెయ్యటం కాదు... తినే ఆహారంలో అన్నీ తగు పాళ్లలో ఉండేలా చూసుకోవటం ముఖ్యం. వాస్తవానికి మధుమేహం వచ్చిన తర్వాత- దాన్ని కేవలం ఆహారం, వ్యాయామాలతోనే తగ్గించేస్తామని ప్రయత్నించటం సరికాదు. ఒకాయన ఇలాగే మేం మందులు సిఫార్సు చేసినా కూడా వేసుకోకుండా ఆహారంతోనే తగ్గించేస్తానని భీష్మించుకుని తిండి విపరీతంగా తగ్గించేశారు. దానివల్ల బరువు వేగంగా తగ్గిపోయి, మనిషి బక్కచిక్కి పోయారు. మెల్లగా కొద్దిపాటి జ్వరం, దగ్గు ఆరంభమయ్యాయి. మనిషి క్షీణించిపోవటం చూసి పరీక్షించిన వైద్యులు చివరికి ‘క్షయ’గా నిర్ధారించి వైద్యం చెయ్యాల్సి వచ్చింది. ఆహారం తగ్గించేస్తే రోగనిరోధకశక్తి సన్నగిల్లిపోతుంది. ఎప్పుడైతే రోగనిరోధక శక్తి తగ్గుతుందో.. వెంటనే క్షయ వంటి ఇన్ఫెక్షన్ల దాడి పెరిగిపోతుంది. కాబట్టి మధుమేహం వచ్చిందని నోరు పూర్తిగా కట్టేసుకుని, ఆహారం పూర్తిగా మానెయ్యటం సబబు కానే కాదు. మధుమేహం వచ్చినా సరే, ఎవరైనా గానీ ఆరోగ్యకరమైన, సమతులాహారం తీసుకోవాలి. ఆహారంలో మాంసకృత్తులు, పిండి పదార్థాలు, పండ్లు, కూరగాయల వంటివన్నీ సమృద్ధిగా ఉండేలా చూసుకోవాల్సిందే. ఇప్పుడు చాలామంది మధుమేహం వచ్చిందనగానే ధ్యాస అంతా ఆహారం మీదే పెడుతూ, మందులకు ఏమంత ప్రాధాన్యం ఇవ్వటం లేదు. నిజానికి మధుమేహం విషయంలో ఆహార వ్యాయామాల వంటివి ముఖ్యమేగానీ వాటికంటే కూడా.. గ్లూకోజు నియంత్రణకు వైద్యులు చెప్పినట్టుగా మందులు వేసుకోవటం, క్రమం తప్పకుండా పరీక్షలు చేసుకోవటం మరింత ముఖ్యం. మందులు-పరీక్షలకు తొలి ప్రాధాన్యం. ఆ తర్వాతే ఆహారం-వ్యాయామం! అది కూడా అవగాహనతో చెయ్యాలి. అవసరమైతే డైటీషియన్లు, పోషకాహార నిపుణుల సలహా మేరకే ఆహార నియమాలు పాటించాలి.


పదేళ్లు మోసపోవద్దు!
సాధారణంగా మధుమేహం వచ్చిన తర్వాత మొదటి పదేళ్ల పాటు పైకి పెద్దగా ఎలాంటి దుష్ప్రభావాలూ ఉండవు. దీంతో చాలామంది ఏళ్ల తరబడి మధుమేహాన్ని పట్టించుకోకుండా తోసేసుకుని తిరుగుతున్నారు. నాకేం సమస్యల్లేవని పూర్తి నిర్లక్ష్యం చేస్తున్నారు. కానీ దీనివల్ల త్వరలోనే ఆరోగ్యం ఘోరంగా దెబ్బతిని ఆపదల పాలవుతున్నారు. సాక్షాత్తూ వైద్య కళాశాలలో పనిచేసిన ఓ సీనియర్‌ ప్రొఫెసర్‌ విషయమే ఇందుకు ప్రత్యక్ష నిదర్శనం. ఆయనకు 36 ఏళ్ల వయసులోనే మధుమేహం వచ్చింది. అయినా తనకు రక్తంలో గ్లూకోజు మరీ ఎక్కువగా లేదనీ, అయినా అది పెరగటానికి మధుమేహం కారణం కాదనీ, దానికి మందులు వేసుకోవాల్సిన అవసరం లేదనీ, దానివల్ల తనకేం నష్టం ఉండదనీ ఆయన చెబుతుండే వాళ్లు. వారించబోయిన తోటి వైద్యులతో కూడా ఇలాగే వాదిస్తుండే వారు. పైగా తన వాదనకు సమర్థనగా రకరకాల పత్రికల్లో వచ్చే అధ్యయనాలు, వ్యాసాలను (తనకు అనుకూలంగా అన్వయించి) చూపిస్తుండేవాళ్లు. ఇలా చాలా ఏళ్లపాటు గడిపేశారు. అదృష్టవశాత్తూ మొదటి ఏడెనిమిదేళ్ల పాటు ఆయనకు పెద్ద ఇబ్బందులేం రాలేదు. కానీ ఆ తర్వాత సమస్యలు మొదలయ్యాయి. మధుమేహ దుష్ప్రభావాల కారణంగా పదేళ్లకల్లా ఆయనకు కిడ్నీలు విఫలమైపోయాయి. దాన్ని గుర్తించిన ఏడాదిలోనే కిడ్నీ మార్పిడి చెయ్యాల్సి వచ్చింది. కిడ్నీ మార్పిడి తర్వాత కూడా ఆయన రెండు మూడేళ్లకు మించి బతకలేదు. కాబట్టి ఇతరత్రా సమస్యలు, లక్షణాలు లేవు కదా అని రక్తంలో గ్లూకోజును ఏమాత్రం నిర్లక్ష్యం చెయ్యొద్దు. ఏళ్ల తరబడి నిర్లక్ష్యం చెయ్యటం వల్ల శరీరంలోని రకరకాల అవయవాలు మళ్లీ కోలుకోలేనంత తీవ్రంగా దెబ్బతినిపోయే ప్రమాదం పొంచే ఉంటుంది.


మతపెద్దలూ.. ఆ మాట చెప్పొద్దు!
చాలా సందర్భాల్లో మతపెద్దలు, ధ్యాన గురువులు- ‘మందులు మానేసెయ్యండి, ప్రార్థనలు చేస్తే మధుమేహం అదే తగ్గిపోతుంది, జీవితాంతం ఆ మందులు వేసుకోవాల్సిన అవసరమే ఉండదని’ ప్రబోధిస్తున్న దృష్టాంతాలు తరచూ మా దృష్టికి వస్తున్నాయి. ప్రత్యేకించి ఒక మతమని కాదు.. దాదాపు అన్ని మతాల్లోనూ ఇదే ధోరణి కనిపిస్తోంది. ఇది ఏమాత్రం సరికాదు. పైగా ప్రమాదకరం కూడా. కొన్నేళ్ల క్రితం మధుమేహం వచ్చిన ఓ చిన్నపిల్లాడిని తల్లిదండ్రులు మా దగ్గరకు తీసుకొచ్చారు. అతనికి మధుమేహం నియంత్రణలో ఉంచేందుకు ఇన్సులిన్‌ తప్పనిసరి. ఆ విషయాన్ని తల్లిదండ్రులకు వివరించి, వాళ్లను ఒప్పించి, మందులిచ్చి పంపాము. కానీ ఇంటికి వెళ్లగానే అక్కడి మతపెద్దలు- ఆ మందులు మానెయ్యండి, మనం ప్రార్థన చేస్తే అన్నీ సర్దుకుంటాయని చెప్పి వాళ్ల చేత ఇన్సులిన్‌ మాన్పించేశారు. దాంతో ఆ పిల్లాడికి రక్తంలో గ్లూకోజు స్థాయులు విపరీతంగా పెరిగిపోయాయి. చివరికి కోమాలోకి వెళ్లిపోయే పరిస్థితుల్లో మళ్లీ మా దగ్గరకు తెచ్చారు. బాబును కాపాడటానికి చాలా కష్టాలు పడాల్సి వచ్చింది. కాబట్టి ఎవరో మత పెద్దలు, మత ప్రచార సంస్థలు, ధ్యాన కేంద్రాలు, యోగ సమాజాల మాటలు నమ్మి మధుమేహం మందులు మానెయ్యటం వంటివేమీ చెయ్యొద్దు. మతపెద్దలు, ధ్యాన గురువులు కూడా- ప్రార్థనలు, ధ్యానాలు చెయ్యమని చెప్పొచ్చుగానీ... ‘మందులు మానేసి’ వాటిని చెయ్యాలని మాత్రం ప్రోత్సహించొద్దు. మందులు వాడుకుంటూ, ఎలాంటి ప్రార్థనలు, పూజలు, ధ్యానాలు చేసినా ఇబ్బంది లేదు.


మధ్య తరగతి మొహమాటాలొద్దు!
మిగతా అన్ని సమస్యల్లాగే మధుమేహం విషయంలో కూడా మధ్యతరగతి ప్రజలు లేనిపోని మొహమాటాలకు, దాపరికాలకు, అపోహలకు పోయి చాలా నష్టపోతున్నారు. ఎలాగో చూద్దాం. పేద ప్రజలు ఆర్థికంగా ఇబ్బందులున్నా ఎంతోకొంత వైద్యులు చెప్పింది వినాలన్న ధ్యాస, దానిపై శ్రద్ధ చూపిస్తున్నారు. అలాగే సంపన్న వర్గాలకు వచ్చేసరికి- వాళ్లకు డబ్బు ఉంటుంది, చదువుకున్న వాళ్లు కూడా కావటంతో వ్యాధి పట్ల అవగాహన పెంచుకుంటున్నారు. ఎటొచ్చీ మధ్యతరగతి వారే చాలా గందరగోళాలకు లోనవుతున్నారు. మధుమేహం వచ్చిందంటే అంతా ఏమనుకుంటారో, తమను చిన్నచూపు చూస్తారేమోనని దాపరికాలకు పోవటం; ఎవరేం చెప్పినా వినటం; మందుల పట్ల, ఇన్సులిన్‌ పట్ల రకరకాల అపోహలు పెంచుకుని చిట్కా వైద్యాలకు మారటం వంటివన్నీ చేస్తూ చేజేతులా సమస్యలు కొని తెచ్చుకుంటున్నారు. అపోహల వల్ల మన సమాజంలో కొందరు తమకు ‘మధుమేహం వచ్చిందని’ బయటకు చెప్పుకోవాలంటేనే ఇబ్బందికర వాతావరణం నెలకొంటోంది. ముఖ్యంగా పెళ్లి కావాల్సిన ఆడపిల్లల వంటివారు చాలా ఇక్కట్ల పాలవుతున్నారు. కొద్దికాలం క్రితం ఓ 25 ఏళ్ల అమ్మాయి మా దగ్గరకు వచ్చింది. బాగా చదువుకుంది, టీచర్‌ ఉద్యోగం కోసం ప్రయత్నిస్తోంది. అంతలో మధుమేహం బయటపడింది. కొంతకాలం ఇన్సులిన్‌ ఇంజక్షన్లు తప్పనిసరి అని చెప్పాం. మొదలుపెట్టిందిగానీ అంతలోనే ఆమెకు పెళ్లి కుదిరింది. పెళ్లి తప్పిపోతుందేమోనన్న భయంతో మధుమేహం ఉన్న విషయం దాచిపెట్టి పెళ్లి చేశారు. దీంతో అత్తగారింట్లో ఆమె ఇన్సులిన్‌ తీసుకోవటం చాలా కష్టమైంది. ఇన్సులిన్‌ బుడ్డీలు కొనుక్కోవటం, వాటిని ఎవరికీ తెలియకుండా దాచుకోవటం, రోజూ ఎవరూ చూడకుండా బాత్రూమ్‌లోకి వెళ్లి ఇంజక్షన్‌ తీసుకోవటం వంటివన్నీ కష్టమైపోయి ఆమె కొద్దికాలానికే ఇన్సులిన్‌ మానేసింది. దీంతో ఆమెకు మధుమేహం నియంత్రణ తప్పింది. ఫలితంగా ఆ తర్వాత కాలంలో ఆమెకు 4 సార్లు గర్భస్రావాలైపోయాయి. రక్తంలో గ్లూకోజు అదుపులో లేకపోవటం మూలంగా గర్భం వచ్చినా నిలబడలేదు. నిజానికి చిన్న వయసు వారికి కూడా మధుమేహం రావటమన్నది ఇప్పుడు సర్వసాధారణం. దానికి ఇన్సులిన్‌ ఇంజక్షన్‌ తీసుకోవటం పెద్ద సమస్యేం కాదు. ఈ విషయాలు బయటకు చెప్పుకుంటే వేరేగా చూస్తారేమోనని భయపడాల్సిన పనీ లేదు. వివాహాల విషయంలో కూడా- మధుమేహం ఉన్న ఆడపిల్లల విషయంలో ఎలాంటి అపోహలూ పెట్టుకోవాల్సిన పని లేదు. మధుమేహాన్ని నియంత్రణలో ఉంచుకోవటానికి ఇప్పుడు ఇన్సులిన్‌తో సహా సమర్థమైన మందులున్నాయి. దాన్ని నియంత్రణలో పెట్టుకుంటే దాంపత్య జీవితం విషయంలోగానీ, సంతానం విషయంలోగానీ ఎలాంటి సమస్యలూ ఉండవు. మధ్యతరగతి వారు ఇలాంటి అనుమానాల్లోంచి బయటపడాల్సిన అవసరం చాలా ఉంది. అలాగే మందుల కంటే పసర్లు, కషాయాలు, పొడుల వంటివే ఉత్తమమనీ, వాటితో దుష్ప్రభావాలు ఉండవనీ.. ఇలాంటి అపోహల నుంచి బయటపడటం మంచిది.


గ్లూకోజు ఒక్కటీ చూస్తే చాలదు!
చాలామంది మధుమేహులు రక్తంలో గ్లూకోజు ఒక్కటే చూసుకుంటూ.. ట్రైగ్లిజరైడ్లు, కొలెస్ట్రాల్‌, హైబీపీ వంటివేమీ పట్టించుకోవటం లేదు. కానీ ఇది సరికాదు. ఎందుకంటే రక్తంలో గ్లూకోజు నియంత్రణలోనే ఉంటున్నా కూడా (అంటే పరగడుపున రక్తంలో గ్లూకోజు 125 కంటే తక్కువగానే ఉంటున్నా కూడా)... వీళ్లకు రక్తంలో కొలెస్ట్రాల్‌, ట్రైగ్లిజరైడ్లు, హైబీపీ వంటివి ఎక్కువ ఉంటే మధుమేహం కారణంగా వచ్చే దుష్ప్రభావాలన్నీ ముంచుకొచ్చే ప్రమాదం ఉంటుంది. కాబట్టి రక్తంలో గ్లూకోజు మాత్రమే తగ్గించుకుంటే సరిపోదని గుర్తించాలి. నిజానికి మధుమేహులు రక్తంలో గ్లూకోజుతో పాటు- వూబకాయం, హైబీపీ, కొలెస్ట్రాల్‌, ట్రైగ్లిజరైడ్లు.. ఈ నాలుగింటినీ కూడా కచ్చితంగా పట్టించుకోవాల్సిందే. వీటిలో హైబీపీ, కొలెస్ట్రాల్‌, ట్రైగ్లిజరైడ్లు ఎక్కువగా ఉంటే వాటికి కచ్చితంగా మందులు కూడా వాడుకోవాల్సి ఉంటుంది. కొన్నేళ్లుగా విస్తృతంగా ప్రచారం చెయ్యటం మూలంగా మన సమాజంలో ఇటీవలి కాలంలో కొలెస్ట్రాల్‌, హైబీపీల మీద కొంత అవగాహన బాగానే పెరిగిందిగానీ ఇప్పటికీ ట్రైగ్లిజరైడ్ల గురించి చాలామందికి తెలియటం లేదు. ట్రైగ్లిజరైడ్లు ఎక్కువున్నా వాటిని అస్సలు పట్టించుకోవటం లేదు. కానీ ట్రైగ్లిజరైడ్లనూ చూసుకోవటం చాలా అవసరం. ట్రైగ్లిజరైడ్లు 200ల్లోపు ఉండాలి. 200లకు మించి 600 ల్లోపు ఉంటే- మందులు వాడటం ఉత్తమం. ఇక 600 దాటితే మాత్రం ఇన్సులిన్‌ తీసుకోవాల్సి ఉంటుంది. అలాగే ట్రైగ్లిజరైడ్లను అదుపులో ఉంచుకునేందుకు పిండి పదార్థాలను తగ్గించాలి. అలాగని అన్నం మానెయ్యాల్సిన పని లేదుగానీ.. తేలికగా జీర్ణమయ్యే పిండిపదార్థాలు- అంటే బ్రెడ్లు, బిస్కట్లు, జామ్‌, చిప్స్‌ వంటివి మానెయ్యాలి. మద్యం కూడా ట్రైగ్లిజరైడ్లను పెంచుతుంది. దాన్నీ మానెయ్యాలి. మందులు వేసుకోవాలి.